Oskar Alegria zinegilearen 'Zinzindurrunkarratz' dokumentalaren emanaldia izanen da ortzirale honetan Beran. Soinuari buruzko dokumentala da eta soinuak oroitzapenetan eta memorietan duen paperari buruz mintzo da zinemagilea.
Emanaldia euskaraz izanen da ortzirale honetan, azaroaren 7an, 19:00etan eta sarrera debalde izanen da.
Zinemagileak Artazu bere herritik (Nafarroa) Andimendira arteko artzainen bidean sortu zuen Zinzindurrunkarratz. Familiako Super-8 kamera zaharrarekin filmatu zuen osorik, eta Paolo izeneko asto bat izan zuen bidaide. Bidean aurkitutako soinuen bilketa da filma.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.