Azken hilabeteetan Kottori buruzko Loratzen dokumentala grabatzen aritu dira eta horixe izan da asteburuan aurkeztu dutena. Ortziralean egin zuten dokumentalaren aurrestreinaldia, dokumentalaren finantzaketa kolektiboan parte hartu zuten lagunentzat.
Larunbatean, berriz ere eman zuten dokumentala 11:00etan nahi zuen ororentzat. Kultur Etxe inguruak ikurrinekin eta Kottoren irudiekin apaindu zituzten eta emanaldiaren ondotik, poteo musikatua egin zuten. Mahaiaren bueltan bilduta eta kantuan borobildu zuten eguna.
Igandean, berriz ere elkartu ziren eta Espidobaitak antolatuta, omenaldia egin zioten Kottori Otsandan parajean.
Denera, 300 lagun baino gehiagok ikusi dute asteburuan dokumentala, eta Espidobaita elkartea «kontent» gelditu da bai dokumentalaren inguruan bildutako iritziekin eta baita asteburu osoan izandako «giro politarekin» ere.
Asteburu honen aitzinetik bertso saio musikatua eta torturari buruzko erakusketa eta solasaldia egin dituzte, eta bi ekitaldi horietan ere jende aunitz bildu da.