17:00etan elkartuko dira plazan eta mozorroak prestatu eta aurpegiak margotuko dituzte. 18:00etan txokolate beroa eta gaztaina erreak banatuko dituzte eta horretarako aitzinetik gaztainak bildu eta gaur plazara eramateko eskatu dute.
Tripa beteta, 18:45ean ttikien ibilbidea izanen da eta 19:30an Argizaiolaren misterioa ibilbidea eginen dute. Dena bukatzean, mahiaren bueltan bildu, eta afari autogestionatua izanen da plazan.
Gau Beltzeko ospakizunak girotzeko, Etxalarko Udalak jakinarazi du Antsolokueta auzoko karrikako argiteria ez dutela 22:00ak arte piztuko gaur.