Hamabortzeroko hitzorduan 70 urtetik goitiko gizasemeak biltzen dira, hamabortz-hogei inguru, baina ortzegun honetakoan adin eta profil hagitz desberdinetako jendea bildu zen eta giro berezia sortu zen, umoretsua eta bikaina. Bertsolariak bertsozaleetatik hurbil, begietara begira… Hika ere aritu ziren bertsotan eta Zubeldiak bere euskalkian ekarpen aberatsak egin zituen. Julio Sotori nabaritu zitzaion Nafarroako txapelketarako prestakuntza betean dabilela. Iker Zubeldia Zegamako alkate izateak ere eman zuen bertsotarako gaia. Lesakako auzo eta baserrien aipamenak ere egin zituzten, artzain lanari buruzkoak, ehiztarienak…
Laburbilduz, afari goxoa eta afalondoko giro ederra, bertsolariekin eta lagunartean.