Lesakako Olentzero eguneko argazkiak bildu nahi dituzte erakusketa berezi baterako

Olentzero eguneko argazkiak dituztenek, zaharrak zein berriak, Lesakako Udalarekin partekatzeko deialdia egin dute, abenduan egin gogo den erakusketa berezi baterako. Argazki zaharrak herriko etxera eraman eta bertan utzi beharko dira, kontu handiz digitalizatuko dituzte eta prest daudenean, berriz ere itzuliko dituzte originalak. Argazki berriak ere hartuko dituzte, fisikoan edo korreo elektronikoz, teknikaria1@lesaka.eus helbidera bidalita. Ahal bada, argazkia noizkoa den, non atera zen eta zein agertzen den zehaztu behar da.