[ARGAZKIAK] 134.504 euroko inbertsioa egin dute uda honetan Igantziko eskola egokitzeko

Ttipi-Ttapa 2025eko urriaren 30a
Deskargatu Info Ahotsak :
Español English Français Català Galego

Oporraldia probestuz, herriko eskolan obrak egin ditu Igantziko Udalak uda honetan. Lehenik eta behin, Biltoki elkarteak lekuz aldatu ondotik uzten zuen espazioa erabili dute eskolako jantokia egokitzeko eta, horrela, eskolari bere beharretara egokitutako zerbitzua emateko. Bertze aldetik, bi gelekin bat eginez, IkasNovako ikasgela bat egokitu dute, Nafarroako Gobernuaren programari jarraituz. Programa hori ikastetxeetan egiten ari den hezkuntza eraldatzeko prozesuaren ondorioa baino ez da.

Bertzeak bertze, IkasNovako ikasgela bat egokitu dute, Haur Hezkuntzako gela hobetu eta jantokia ere prestatu dute Biltoki elkarteak utzi duen lekuan

Espazioen erabilera aldatuz, teknologia integratuz eta ikaskuntza aktiboa sustatuz, XXI. mendeko gaitasunak garatzea bilatzen dute, ikasle guztien gaitasun digitalari arreta berezia eskainiz.

Ondorioz, eta hormigoizko bi eskaileretako bat eraitsi dela probestuz, haur hezkuntzako gela ere hobetu dute.

Igantziko Udalaren ustez, «herriko eskolan inbertitzea etorkizunerako apustua da, eta hau lehen urratsa baino ez da, denetara 134.504,08 euroko kostu ekonomikoa izan duena».

Hezkuntza Bortziriak Igantzi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun