16 urtez beheitiko Espainiako selekzioak Kemen Mitxelena Zubieta, 15 urteko Real Sociedad taldeko jokalari lesakarra deitu du azaroko hurrengo kontzentraziorako. Hernan Perez hautatzaileak, Albir Gardenen azaroan jokatuko den Nazioarteko Txapelketan parte hartuko duten 24 jokalarien zerrendan sartu du lesakarra. Qatar, Estatu Batuak eta Suediaren aurka jokatuko dute, azaroaren 4tik 8ra.
Real Sociedad taldeko jokalariak azaroaren 4tik 8ra Albir Gardenen jokatuko den nazioarteko txapelketan hartuko du parte
2010ean Lesakan sortua, Kemen Mitxelena Zubieta sorterriko Beti Gazte futbol taldean hasi zen ttikitan eta gaur egun Euskal Liga jokatzen duen Realaren kadete taldean ari da. Azaroaren 2tik aitzinera 16 urtez beheitiko Espainiako selekzioaren kontzentrazioan izanen da, bere formakuntzan esperientzia berri bat pilatuz.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.