Urriko azken igandeko egitarauari dagokionez, 13:00etan Aurreskua dantzatu eta oroigarriak emanen zaizkie Alondegian aurten 85 eta 90 urte bete dituzten kideei. 85 urtekoak Maria Teresa Martinez, Margarita Susperregi, Begoña Orube, Bixenta Ferrero eta Jean Mesplé izanen dira eta 90 urtekoen artean, Juanita Almandoz, Kontxi Iantzi, Asun Fagoaga eta Maria Luisa Portu. Beharbada denek ez dute agertzerik izanen.
14:00etan bazkaria izanen dute jubilatuen jatetxean eta bazkalondoan dantzaldia eta txapelketetako sari banaketa eginen dute.