Ortziralean herriko ikastetxeetako ikasleak Mugairiko Nasara eta arrain haztegira joanen dira eta bertan bisita gidatuak eginen dituzte. Arratsaldeko 17:00etan, Kultur Etxean El salmón del Bidasoa, una especie a conservar hitzaldia eginen dute gazteleraz, eta ondotik, 18:15ean, Bidasoko izokinari buruzko ahozko memoriaren aurkezpena eginen dute 18:15ean.
Arratsaldea izokina dastatuz bukatuko dute, 19:30ean hasita herriko hainbat ostatutan izokin pintxoen dastaketa eginen baitute Maitagarriak txarangak alaituta.
Larunbatean 10:00etan Montoia eta Endarlatsa arteko arrantza tartean oinezko ibilbidea eginen dute arrantzaleen azalpenekin. 12:00etan Bera Kantari taldekoak ariko dira Kanttonberrin eta 13:00etan Berako artistek egindako Bidasoko izokinei buruzko artelana aurkeztuko dute.
