Urri hasieratik 37 dozena txoloma eta bortz dozena uso harrapatu dituzte sareetan
Igande honetan, etxolan elkartu eta bertze lan batzuk egiteko aprobetxatu zuten usazaleek, paleta berriak, erraterako. Hori bai, normalean baino bisitari gehiagorekin.
Asteburu osoko ospakizunak
Igande goizean Lizarieta aldera hurbiltzea izan da beti Etxalarko Usategietako Igandeko usadioa, baina azken urteetan, asteburu osora zabaldu dira ospakizunak. Horrela, larunbat goizean paella txapelketa eta bazkaria izan zuten, Arratsaldean jokoak, jan-edatekoak eta arratsean, su artifizialez gain, gazte jendea hurbildu zen Etxalarko plazara, Hago Silik, Kulto Kultibo eta DJ Inaxio taldeak aditzera. Igande arratsean, berriz, Puro Relajo taldearekin dantzan eta kantuan ibili ziren hainbat lagun.