Izan ere, lau izan dira 2025 honetan DNA programan garatu diren egoitza artistikoak. Bakoitzak lau asteko iraupena izan du maiatzetik irailera bitartean.
Led Silhouette konpainiaren Ultimatum izeneko proposamena abuztuaren 4tik 31ra garatu zen Lesakako Harriondoa kultur etxean. Egoitzak antzinako mundu baten gainbeheraren eta mundu berri baten sortze geldo eta zalantzagarriaren arteko trantsizioa aztertzen du, zainketen, afektuen eta aldaketa bilaketaren bidez.
Lesakako dantza konpainiarenarekin batera, Ane Saguesen eta Paula Puchalten Mi carrera proiektua garatu dute abuztuan eta irailean Zizur Nagusian; Olatz Larunberen Etena ez dena Altsasun irailaren 1etik 26ra eta Carmen Larrazen Dinamo Danza konpainiaren Alto voltaje maiatzean eta ekainean Ribaforadan.