Larunbat arratsean Hago Silik, Kulto Kultibo eta DJ Inaxio taldeak izanen dituzte eta Puro Relajo taldeak kontzertua emanen du igande arratsaldean plazan
Urriaren 18an, larunbatean 11:00etan paella txapelketa eginen dute eta, ondotik, txapelketarako prestatutakoarekin bazkaria eginen dute. Arratsaldez, 18:00etan jokoak izanen dituzte eta 19:30ean eskolako jangelaren aldeko bokatak salduko dituzte. 21:45ean su artifizialez gozatzeko aukera izanen da eta eguna bukatzeko, 22:30ean, oholtza gainera igoko dira Hago Silik, Kulto Kultibo eta DJ Inaxio taldeak.
Urriaren 19an, igandean, berriz, eguraldi ona eginez gero, goizean talo postua paratuko dute Lizarietan. Arratsaldez, 19:00etan Puro Relajoren kontzertua izanen da Etxalarko plazan (sarrera librea izanen da) eta ondotik bi egurrezko eskulturen zozketa eginen dute. Txartelak egun guzian salduko dituzte.