Egitarauari dagokionez, urriaren 18an, larunbatean 11:00 aldera zahar etxea bisitatuz hasiko dute eguna. 12:00etan kalejira eginen dute Plaza Zaharretik Koxkontara eta 14:00etan bazkaria izanen dute. Musika eta bertso kontuetarako Jalisco, Beñat Mitxelena, Angel Mariezkurrena, Frantzisko Santxotena, Manolo Arozena eta Juan Mari Lopez izanen dituzte. Menuan, frijituak, entsalada mistoa, zapoa parrillan, oilaskoa parrilan patatekin, torradak (torrijak) natillarekin, kafea era kopa izanen dute. Ilunabarrean, berriz, pintxoak emanen dituzte, Santxotenak alaituta.
Iaz 155 lagun bildu ziren Lesakako Kantu Zaharren Eguneko bazkarian eta programatutakoez gain, irrintzi lehiaketa, Goitarrak, Fraindarrak eta bertze kantuak aditzeko aukera izan zuten.