Lau bertsolari ariko dira kantuan: Julio Soto, Ekhiñe Zapiain, Beñat Gaztelumendi eta Miren Artetxe. Gaiak jartzen Maddi Ane Txoperena eta Alaitz Rekondo ariko dira eta musika jotzen, berriz, Aitor Mitxelena eta Araitz Bizkai.
Saioa 17:00etan izanen da Telletxeko lorategian eta Berako Udalak, Espidobaita elkarteak eta Bortzirietako Bertso Eskolak antolatu dute.
Hitzordu gehiago
Igandean hasi, eta azaroaren 2ra arte luzatuko da Kottoren omenezko zikloa. Urriaren 10ean, Torturaren arrastoak argazki erakusketa ikusteko aukera izanen da eta torturari buruzko solasaldia eginen dute. Espidobaita elkartean izanen da 19:00etan.
Azaroaren 1ean, berriz, Loratzen dokumentalaren estreinaldia izanen da 11:00etan Kultur Etxean. Ondotik, poteoa eginen dute Kuxkuxtu txarangarekin eta 14:30ean bazkaria.
Zikloa borobiltzeko, azaroaren 2an, Otsandara joanen dira goizean eta bertan omenaldia eginen diote Kottori.