'Organo musika Nafarroan' zikloaren barrenean Juan de la Rubia organista Beran izanen da ortziralean. San Esteban elizan emanen du kontzertua ortziralean, 19:30ean eta euskal doinuak aditzeko aukera izanen da.
Jesus Guridi Bidaola musikariak idatziriko Hamar Euskal doinu pieza interpretatuko du organistak ortziralean Beran. Guridik orkestra sinfonikoarentzako sorturiko obra da, eta de la Rubiak organora egokitu zuen 2018an.
Pieza horretaz gain, bertze hainbat euskal doinuren inprobisazioek osatuko dute kontzertua.
Emanaldirako ez da sarrerarik beharko, aski izanen da elizara agertzea.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.