Mus eta partxis txapelketak hastekotan dira Igantziko Baratzondo elkartean

Ttipi-Ttapa 2025eko irailaren 23a

Baratzondoko jubilatuek indartsu ekin diote ikasturteari. Urri hasieran mus eta partxis txapelketetan hasiko dira.

Mus eta partxis txapelketak antolatu nahi ditu aurten ere Igantziko Baratzondo jubilatuen elkarteak. Txapelketan parte hartzeko 20 euro ordaindu beharko ditu bikote bakoitzak (ez da beharrezko bikoteko biak bazkide izatea) eta izena ematerakoan parte hartzaileen izenak, eta zein txapelketetan ari nahi duten azaldu behar dute.

Urriaren 4an eta 5ean abiatuko dira jubilatuen elkartean eta izena emateko epea irailaren 26ra arte zabalik dago

Txapelketak urriaren 4an eta 5ean hasiko dira. Larunbatero mus jardunaldia jokatuko dute meza ondotik eta igandetan partxis jardunaldia, 18:00etan.

Txapelketaren funtzionamendua ligaxka moduan izanen da eta partida gehien irabazten duena izanen da txapelduna. Izena emateko epea irailaren 26an bukatuko da. Apuntatzeko telefono hauetako batera deitu: Axun Iribarren (629 05 85 98); Ignacio Goienetxe (650 41 36 73); Tere Taberna (609 54 97 12).

Buruilaren 7an Elorriora joan ziren

Bertze aldetik, hasiak dira Baratzondo Elkartekoak udazkeneko martxan. Buruilaren 7an Elorrion izan ziren azoka eta herria bisitatzen. Eguna bertan pasatu ondotik, igerilekuetan egindako otorduarekin bukatu zuten eguna.

Gizartea Bortziriak Igantzi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun