Probaren irteera 09:00etan izanen da eta helduek 32 kilometroko bidea osatu beharko dute, eta haurrek, berriz, hamaika kilometrokoa. Adingabeek gurasoen baimena aurkeztu beharko dute edo gurasoetakoren batek lagunduta parte hartu. Gainera, proba osatzeko parte hartzaileek guttienez hamalau urte izan beharko dituzte.
Ibilaldian izena eman nahi duten helduek 25 euro ordaindu beharko dituzte.Gure Txokoa Elkarteko bazkideen kasuan, berriz, 22 eurokoa izanen da prezioa eta probaren egunean elkarteko txartela aurkeztu beharko da. Bi kasuetan, prezioaren barrenean sartzen da parte hartzailearentzako asegurua. Haurren proban parte hartzeko berriz, hamar euro ordaindu beharko dira.