Sorgin zahar berriek
Ikuskizun honek bazterketa, desberdintasuna eta erresistentziari buruzko istorio bat kontatzen du. Hiru neska gazte (Gorri, Bixkor eta Errebel) tribu baten barrenean bertzelako sentitzen dira, eta horregatik irainduta eta baztertuta bizi behar dute. Hala ere, elkarren indarraz eta bertze pertsonaia batzuen laguntzaz, beren ahotsa aurkitzen dute eta beren bidea egiten hasten dira.
Narratzailearen begiradatik, publikoak umorea, hausnarketa eta musikaren indarra uztartzen dituen bidaia bat biziko du. Maskarak, dantzak eta kantek lagunduta, neska hauek “sorgin berri” bihurtzen dira, injustiziaren aitzinean altxatzen direnak. Azkenean, elkartasunaren eta errespetuaren bidez, mundu berri baten aukera agertzen da.