Irailaren 12an, ortziralearekin hasiko dira Etxalarko Urritzokieta auzoko bestak. Txupinazoaren ondotik, 17:00etan txokolate beroa eskainiko da Sainduneko zubian eta iluntzean zingar jatea.
Irailaren 13an, larunbat eguerdian, Asaua izanen da eta ondotik mus eta partxis txapelketa. 18:00etatik aitzinera herri kirolak, 20:00etatik 22:00etara bokadilloak eta egunari akabera emateko, 22:00etan Baratxuri Beltzak taldearen kontzertua eta auzoko DJ-a.
Irailaren 14an, igandearekin, bukatuko dira bestak; 12:00etan meza izanen da Santakruz ermitan eta ondotik auzotarrek eskainitako luntxa.