22-13 irabazi zieten astelehenean Eztegaran Altuna III.ari eta Imazi, Masters txapelketako partidan
Aspek antolatutako gizonezko profesionalen esku pilota jaialdia jokatu zen abuztuaren 4an, astelehenean, Berako Eztegara pilotalekuan, Berako besten barrenean. 650 lagunek lepo bete zuten frontoia eta partida nagusian, Masters txapelketakoan, Ezkurdiak eta Iztuetak 22-13 irabazi zieten Altuna III.ari eta Imazi.
Hiru beteranoz inguratuta egon arren, Iztueta gaztea izan zen izar nagusia, gibelean agindu baitzuen partida osoan, pilota bakarra galduz gainera. Aginte horri esker, Ezkurdiak 9 tanto egin zituen eta Iztuetak berak bertze lau.
Lehen partidan, De la Fuentek eta Erostarbek 22-8 irabazi zieten Bakaikoari eta Lizeagari.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.