Danborradan parte hartu nahi dutenek ez dute aitzinetik izena eman beharko, baina, egunean berean dena ongi atera dadin bi entsegu eginen dituzte heldu den astelehenean eta asteazkenean. Entseguetarako hitzordua 18:30ean paratu dute Toki Ona institutuko estalpean.
Danborrada, berriz, abuztuaren 5ean, asteartea, izanen da, 12:30ean. Illekuetan elkartuko dira parte hartzaileak eta Toki Onako estalperaino joanen dira.
Entseguetara zein danborradara parte hartzaile bakoitzak bere danborra eraman beharko du.
Aitzinetik ere bai
Aurten eginen dute haurren danborrada, baina aitzinetik ere egin izan da. TTIPI-TTAPAri utzitako argazki hauek 1967koak eta 1968koak dira, eta haurrak danborradan eta desfilean ageri dira.