EuskarAbenturako ortziraleko etapa Oiartzunetik Lesakara egin zuten. Arditurriko bidegorria hartu dzuten lehenik, Aritxulegi igo, jaitsi eta Endarako urtegia gurutzatuta heldu ziren Lesakara. Hezetasuna nabarmena izan zen, baina zerua lainotuta izateak eta noizean behineko euri langarrak freskatzen lagundu zien gazteei.
Lesakan bazkaldu eta bazkal ostean Ezpata dantza azaltzera hurbildu ziren herriko dantzariak. Familia giro goxoan dantzaren nondik norako historikoak azaldu zizkieten, herrian izan duen bilakaera, jantziak erakutsi eta baita boluntario aurkeztu diren hainbat gazteei pausoak irakatsi ere. Atseden labur baten ondotik afaldu egin zuten, ohi baina goizago, gero kluedo jolasean aritzeko. Larunbat goizean Lesakatik Urdazubirako bidea hartu zuten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.