Abuztuaren 4an eginen dute Berako bestetako helduen danborrada. Danborrada 14 urtetik gorako herritar denei zuzenduriko ekitaldia da, baina, aitzinetik izena eman behar da. Heldu den astelehenean bukatuko da apuntatzeko epea.
Izena eman nahi dutenek Goxune kafetegian, eta Errekalde eta Auzoa ostatuetan egin beharko dute astelehena baino lehen. Parte hartzaileen zerrenda osatuta, uztailaren 30ean, asteazkena, entsegua eginen dute 19:00etan Herriko Etxeko plazan.
Parte hartzaile bakoitzak 15 euro ordaindu beharko ditu eta jakinarazi dute 40 lagun baino guttiago apuntatzen badira ez dela danborradarik eginen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.