Arratseko bederatzietan paratu zuten hitzordua eta mendi buelta ederra osatu zuten. Agerrako elkartetik atera eta handik Manttalera, Ibardinera, Usategietara eta Landagaitara joan ziren. Bertan, jatekoa eta edatekoa banatu zuten. Handik Maletera joan ziren, eta Dornakutik Larretagainara igota Agerrara jaitsi eta bertan bukatu zuten ibilibidea 02:30ean egin zuten afari-gosariarekin.
Parte hartzaileentzat «esperientzia hagitz positiboa» izan zen, eta berriz ere errepikatzeko gogoz gelditu ziren.