Berako bestak
Berako bestetan, abuztuaren 1ean eta 2an izanen da Bestabusa. Bi autobus izanen dira: horietako batek Arantza-Igantzi-Bera bidea eginen du, eta bertzeak Etxalar-Lesaka-Bera bidea.
- Arantza-Igantzi-Bera autobusa
Arantzako aparkalekutik 20:45ean eta 23:00etan aterako da autobusa. Handik Igantzira joanen da eta 21:00etan eta 23:15ean Bi-Biden autobusa hartzeko aukera izanen da. Igantzitik Berara joanen da eta Beratik Igantzira eta Arantzara joateko autobusa, berriz, 04:00etan eta 06:00etan aterako da, Euskalduna paretik.
- Etxalar-Lesaka-Bera
Etxalarko Landaburutik 21:30ean eta 23:45ean abiatuko da autobusa, eta 21:45erako eta 00:00etarako Lesakako suhiltzaileen parkean izanen da. Handik Berara joanen da.
Bueltarakoan, berriz, Beratik Lesakara eta Etxalarrera joateko autobusa, 03:00etan, 05:00etan eta 07:00etan aterako da Berako Euskaldunatik.
Arantzako eta Etxalarko bestak
Arantzako eta Etxalarko bestetan egun bakarrean izanen da Bestabusa: abuztuaren 16an, larunbata.
Herriz herri ibiliko da autobusa, eta joateko Bera-Lesaka-Etxalar-Igantzi-Arantza ibilbidea eginen du eta bueltakoan aldrebes.
Berako Euskaldunatik 20:45ean eta 23:15ean aterako da autobusa; handik Lesakara joanen da eta suhiltzaileen parketik 21:00etan eta 23:30ean abiatuko da; ondotik, Etxalarrera joanen da, eta hemendik, zehazki Landaburutik, 21:15ean eta 23:45ean aterako da. Hurrengo geltokia Igantziko Bi-Biden izanen du, 21:30ean eta 00:00etan. Lehenbiziko autobusa 21:45 aldera ailegatuko da Arantzara eta bigarrena 00:15ean.
Bueltako autobusa, berriz, Arantzako aparkalekutik aterako da: 03:00etan, 04:45ean eta 06:30ean. Igantziko Bi-Bidetik 03:15ean, 05:00etan eta 06:45ean pasatuko da. Etxalarko Landaburutik lehenbizi Lesakara eta ondotik Berara doan autobusa 03:30ean, 05:15ean eta 07:00etan aterako da. Lesakatik 03:45ean, 05:30ean eta 07:15ean abiatuko da eta handik Berara joanen da.