Abuztuaren 4an 18:00etan hasiko da jaialdia eta bi partida izanen dira. Lehenengoan Bakaikoa eta Lizeaga, De la Fuenteren eta Joseba Aldabe igantziarraren kontra arituko dira. Bigarren partida aldiz Caixabank Masters txapelketako final laurdena izanen da. Altuna III eta Imaz, Ezkurdia eta Iztuetaren kontra ariko dira.
Sarrerak dagoeneko salgai paratu dituzte Berako Agara prentsa dendan eta Interneten Entradas Fronton atarian.
Emakumeen pilota jaialdia, berriz, abuztuaren 6an, asteazkena, izanen da, 17:30ean. Emakume Master Cupeko udako torneoko bi partida jokatuko dituzte. Lehenengoan Etxegarai eta Bertiz, Arraiza eta Erasunen kontra ariko dira. Bigarrenean, Zabaleta leitzarra eta Capellan, Aldairen eta Gaminderen kontra.
Jaialdi horretarako sarrera debalde izanen da, beraz, ez da aitzinetik sarrerarik erosi beharko.