Jokoa, kultura eta historia uztartuz, Nafarroako bortz herritako ginkana digitalak plazaratu ditu Gymkana Turística Digital enpresak, Europar Batasuneko NextGeneration funtsaren finantziazioarekin, Espainiako Industria eta Turismoko Ministerioaren Suspertze, Transformazio eta Erresilientzia Planaren barnean.
Horien artean dago Etxalarko kontrabandisten bidea. Etxalarko kultur etxetik abiatuta, parte hartzaileek 1,7 kilometroko ibilbidea osatu behar dute, 70 minutuz hamar enigmari soluzioa aurkituz.
Etxalarkoarekin batera, Zaraitzuko Espartzako sorginen epaiketa, Ezkarozeko ipuineko herria, Erronkariko enaren bidaia eta Jaurrietako sute handia erabili dituzte ginkana digitalak osatzeko.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.