Uztailaren 5ean, larunbatean 10:00etan hasiko dira Bera eta Ultzamaren arteko partidak eta bertara joateko eta pilotariak animatzeko autobusa antolatu du Bortziriak pilota elkarteak. Telefono bidez apuntatu behar da, 618 11 95 16 zenbakira idatziz edo deituz. Plaza mugatuk izanen dira, autobusa bete arte, eta antolatzaileek jakinarazi dute azken 8 lekuak daudela libre.
Egun osoko plana antolatu dute uztailaren lehen larunbaterako. 08:00etan abiatuko da autobusa Toki Onako aparkalekutik. 10:00etan finalak hasiko dira eta finalak bukatu ondotik, irabazi ala galdu, autobusean joanen dira Doneztebeko Santamaria jatetxera bazkaltzera. 19:30ean aterako da autobusa Doneztebetik Berara. Egun osoko prezio 20 eurokoa da haurrentzat eta 40 eurokoa helduentzat. Bakarrik bazkaltzera joateko apuntatzeko aukera ere badago, otordua bakarrik ordainduz.