Azken asteetan, Lesakako Udalak, Beti Gazte Kirol eta Kultur elkarteak eta Arkupe Pilotazale Elkarteak hitzarmen bana sinatu dituzte elkarte hauen kirol proiektuak garatzen laguntzeko. Dirulaguntzen xedea, Lesakan oinarrizko kirola sustatzea da, baita kirol jarduerari lotutako auzolana eta herri asoziazionismoa indartzea ere. Horretaz gain, Mastegi futbol zelaiaren eta Lesakako frontoiaren kudeaketa ere hitzarmen hauetan biltzen da.
Espazio hauen kudeaketak taldeek eginen dituzte eta Lesakako Udalarekin batera zaintza eta mantentzea koordinatuko dute. Herriko kirol ezberdinen sustapena bultzatu eta elkarteei haien eguneroko ezinbertzeko lanean laguntza bat emateko helburuarekin lanean ari da Lesakako Udala.
Bi elkarteei, Beti Gazteri eta Arkuperi, eskerrak eman nahi dizkie Lesakako Udalak, «urtean zehar egindako lanarengatik».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.