Espainiako trial txapelketa nagusia jokatu da asteburu honetan Guadalix de la Sierran (Madril). Nafarroako selekzioarekin batera joan da Uxuri Portu Crespo lesakarra eta hamabi urte bete berriak izan arren, 12-15 urteko nesken kategorian aritu da lehen aldiz eta txapeldunorde izatea lortu du, Valentziako Mireia Cervero txapeldunaren gibeletik. Nafarroako selekzioak hirugarren postua lortu du, Katalunia eta Madrilgo selekzioen gibeletik.
Gisa honetara, UCI Trials World Youth Games Munduko txapelketarako txartela lortu du Uxuri Portuk. Uztailaren 25etik 27ra jokatuko da Vicen (Katalunia) eta denboraldi emankor honetako azken proba izanen da txirrindulari lesakarrarentzat.
