Sanferminetako argazki zaharren erakusketa antolatu du Lesakako Udalak ekainaren 20tik 29ra, Harriondoa kultur etxeko komentuan. Astelehenetik ortziralera, 17:00etatik 19:00etara, larunbatetan 11:00etatik 13:30era eta 17:00etatik 19:30era eta igandetan 11:00etatik 13:30era egonen dira ikusgai argazkiak.
Lesakako artxiboa kudeatzen dutenek eskaria ere egin dute, norbaitek etxean bestetako argazki zaharrak baditu, erakusketara eramateko. Han argazkia digitalizatu eta originala itzuliko zaio.
