Ikasturte osoan, hilabeteko maiztasunarekin gutti goiti-beheiti, hainbat jarduera gauzatu dituzte, enpatiazko jarrerak bultzatzea, konfiantzazko ingurune bateko kide izatea eta elkartasun eta lankidetzan oinarritutako talde lana sustatzea helburu zutenak.
Horrela, proiektuari hasiera emateko, ikasleek Elkarrizan boluntario taldeak emandako hitzaldia aditu zuten eskolan. Hurrengo hilabeteetan, eskulanak, mahai jokoak, mozorro tailerrak, eguberrietako kantaldia… burutu zituzten elkarrekin ikasle zein egoiliarrek. Era berean, Andra Mariko kideak eguberrietako eta inauterietako jaialdietara hurbildu ziren, Irain eskolako ikasleen emanaldiak ikustera.
Ekainaren 7an, aurtengoz proiektuari bukaera emateko, ibilaldi ttiki bat egin zuten herriko karriketan barna eta ondotik giro ederrean hamaiketako goxo bat partekatzeko aukera eduki zuten.
Elkartasuna eraikitzen proiektuak jarraipena izanen du 2025-26 ikasturtean.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!