Turistek «herrigunea ezagutu eta usategiak eta Infernuko errota ere bisitatzen dituzte, eta bertako gastronomiaz eta paisaiaz gozatzen dute». Gainera, aurten ginkana digitala abiatuko dute; «udarako martxan izatea espero dugu eta herriko xokoak eta ohiturak modu dibertigarrian ezagutzeko aukera emanen duen pista jokoa da. Mugikorraren bidez, parte hartzaileak kontrabandista bihurtuko dira eta pakete bat pasatu beharko dute, enigma batzuk argituz eta eltzetzuek harrapatu aitzinetik...».
Horrez gain, «mendi ibilbideak ere gustuko ditu jendeak, bertako naturaz eta paisaiaz gozatzeko aukera ederra ematen dutelako. Herrian seinaleztatutako zazpi ibilbide ditugu, eta aurtengo uda-udazkenean udalak berriz homologatuko ditu, Nafarroako Mendi Federazioarekin lankidetzan, kalitatezko ibilbideak eskaini ahal izateko».