Ortziralean 20:00etan bestak hasteko suziria botako dute eta ondotik, erraldoiak eta buruhandiek karrikabuelta eginen dute auzoan zehar txistularien laguntzarekin. Eguna borobiltzeko kontzertua izanen da.
Larunbaterako egun osoko plana antolatu dute. 10:00eta plater tiroketa izanen da. 12:00eta ostatuz ostatu poteoa eginen dute Lesakako soinulariekin batera eta 14:00etan zikiro jatea izanen da. Txartelak Ikuilu eta Errekalde ostatuetan daude salgai eta gaur izanen da erosteko azken eguna.
18:00etan erremonte partida izanen da Eztegarako frontoian eta 22:30ean suzko zezena.
Igandean bukatuko dituzte bestak. 11:00etan meza izanen da Altzateko elizan eta ordubete beranduago Gure Txokoa Dantza Taldeko dantzariek emanaldia eginen dute txistularien laguntzarekin. Emanaldiaren ondotik gaitariak karrikaz karrika ibiliko dira.
Bestak borobiltzeko 14:00etatik aitzinera jatekoa eta zuzeneko musika izanen da Uraldea karrikan. Dj Castle & Towers ariko da lehenik eta ondotik Blues kontzertua izanen da.