Behin baino gehiagotan nabarmendu izan da Berak duen musika emari zabala, eta larunbatean Berak emandako uzta aditzeko aukera izan zen Herriko Etxeko plazan. Petti, Joseba B. Lenoir, Joseba Irazoki, Estitxu, Janus Lester, Beñardo eta Rüdiger abeslariek beren errepertorioko bina abesti kantatu zituzten Berako Musika Bandak lagunduta. Aitor Mitxelena musika eskolako irakaslea aritu zen banda zuzentzen, Igor Telletxea bandako zuzendaria bertze emanaldi batean baitzen.
Soinuan eta argian ere Berako bi teknikari aritu ziren: Maik soinuan eta Karlos Solano argian.