Azken bi urteetan bezala, Lesakako sanferminetako kartel lehiaketa Fred Jose Ramos Lasagak irabazi du, aurtengoan Guruztu izeneko lanarekin. 250 euroko sariaz gain, kartel horrek iragarriko ditu aurtengo Lesakako bestak. Programaren azal lehiaketa, berriz, Imanol Mesa Garmendiak irabazi du, Kruzik lanarekin. Honengatik ere 250 euro hartuko ditu eta bere lana besta egitarauaren azalean ikusiko da. Guztira launa kartel eta azal aurkeztu dituzte lehiaketetara.
Azalaren gibeleko aldeko lehiaketara, berriz, herriko ikasleek 133 marrazki aurkeztu zituzten eta Uxuri Portu Crespok irabazi du lehen saria, Jubilatuetatik Zubigainekoa izeneko lanarekin. Herriko dendetan erabiltzeko 100 euroko erosketa txartelaz gain, bere lana programaren gibeleko azalean argitaratuko dute.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!