2024ko abenduaren 31n 1.591 bazkide zituen Beti Gaztek, inoizko kopururik handiena eta une honetan 1.546 ditu. Zuzendaritza batzordean ez da aldaketa handirik izanen, baina kultur koordinazioan, Alaia Alzugarairekin batera aritzen zen Amaia Telletxeak utzi du kargua. Ander Abuinek segitzen du lehendakari lanean; Nora Eneterreaga lehendakariordea eta instalazio eta material arduraduna; Xabier Iribarren eta Alberto Muruzabal idazkaritzan; Idoia Sunsundegi diruzaintzan; Argiñe Ordoki kirol koordinazioan; Alaia Alzugarai kultur koordinazioan eta Paola Oskoz da komunikazio arduraduna.
Lesakako Beti Gazte elkarteak urteko batzarra egin zuen maiatzaren 30ean. Aurtengo 208.620 euroko aurrekontua aho batez onartu zuten bazkideek, iazkoa baino 23.140 euro ttikiagoa. Ohiko ekintzekin segituko dute, baina berritasun bezala, ekainaren 21ean eginen den Zubigaineko VI. Krosa lehen aldiz Bortzirietako II. Koparako puntuagarria izanen da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun