Ekainaren 4an, asteazkena, hasiko da jaialdia ikasleentzako funtzioekin. Toki Ona Institutuko DBH 2ko ikasleek Hemen gaude antzeztuko dute eta Labiaga ikastolako DBH2koek Bideosoan, Bidasoan gotti 10:00etan. 18:00etan berriz taularatuko dituzte bi lanak eta horra herritar guztiek joateko aukera izanen dute.
Ortzegunean, goizean eta arratsaldean izanen dira saioak. 10:00etan Ricardo Baroja eskolako LH 4ko ikasleek Berako zirkua jokatuko dute eta 12:00etan Jesusen Bihotza ikastetxeko LH 1, 2 eta 3. mailako ikasleek Berako piratak. 18:00etan bi antzerkiak eginen dituzte berriz ere.
Ortziralean borobilduko dituzte jardunaldiak. 10:00etan Labiaga ikastolako LH 5. mailako ikasleek Sasi guztien gainetik obra taularatuko dute, eta 12:00etan Errenteriako Herri Arte eskolako ikasleek Argilunak obra. 18:00etan Sasi guztien gainetik obra jokatuko dute berriz.