Bortzirietako euskaltzale guziei parte hartzeko deia egin diete, «aurten egindakoaren berri jakin dezaten eta, batez ere, elkarrekin ikus dezagun modurik ote den datorren ikasturtean Bor-borrek martxan segitzeko eta urte guzian dinamika indartsua izateko».
Izan ere, Bortzirietako euskaltzaleen mugimenduari iruditzen zaio «ezinbertzekoa dela Bortzirietan talde bat izatea euskararen inguruan lan egiteko (hizkuntza ohituretan eragiteko, hizkuntza eskubideak defendatzeko, herritarren kontzientzia bizteko…), bai herriz herri eta bai eskualdean oro har, baina orain arteko talde eragilea kolokan da, eta ez dago herrietako talderik martxan, nahiz eta batek baino gehiagok lan handia egin ekintza puntualak antolatzen, hala nola Bortzeguna».
Beraz, urteko batzarra probestu nahi dute ikusteko «ba ote den aukerarik egoerari buelta eman eta Bor-bor aktibatzeko, edo, ezezkoan, taldearen bidea bere hartan geldituko den oraingoz».
Antolaketa lanak errazteko, izena eman behar da borboreuskara@gmail.com helbide elektronikora idatziz.