Lesakako sanferminetako kartel, azal eta gibeleko azal lehiaketara aurkeztutako lanak ikusgai izanen dira maiatzaren 19tik 23ra, astelehenetik ortziralera Lesakako udal liburutegian, liburutegiaren ordutegian (15:00etatik 20:00etara). Lanak ikusteaz, gustukoenaren alde bozkatzeko aukera izanen da. Izan ere, herri bozketak erabakiko ditu irabazleak.
Horretarako, erakusketak irauten duen bitartean, bertan, Lesakan sortuek edo bertan erroldatuak direnek bozkatzeko aukera izanen dute aipatutako egunetan. Kartel eta azal irabazleek 250na euro eramanen dituzte eta herriko ikastetxeetan ari diren neska-mutikoek aurkeztutako gibeleko azalerako lanen artean bozkatuenak eskolako materiala erosteko 100 euroko bonua. Lesakako Udala jabetuko da lan sarituez eta bertzeak itzuli eginen ditu.
Besta batzordeko bilera gaur
Lesakako sanferminak prestatzen segitzeko Besta Batzordeak bilera eginen du gaur, maiatzaren 19an, astelehenean, 19:00etan, Lesakako herriko etxeko batzar aretoan.