Lesakako III. Bizibide Enduro lasterketa maiatzaren 18an eginen dute

Ttipi-Ttapa 2025ko mai. 15a, 09:00
Deskargatu Info Ahotsak :
Español English Français Català Galego

Hainbat txirrindulari espero dituzte asteburuan Lesakan. Argazkia: Saiz Photos

Lesakako III. Bizibide Enduro lasterketa maiatzaren 18an eginen dute. Lesakako Udalak antolatutako proba hau Sustrails Open Enduro txapelketako lehenbizikoa izanen da (Larra-Belagua, Arrasate, Eremua, Basaburua eta Irrisarri Land etorriko dira gero) eta aurten, Enduro Pirinioak Koparen barrenean ere sartuko da, Nafarroako bakarra izanen da, hain zuzen. Bertzeak Accous (Pirinio Atlantikoak), Riglos (Aragoi), Tour de Carol (Eki Pirinioak) eta Maçanet de Cabrenys (Girona) eginen dira. 

Sustrails Enduro txapelketako lehen proba izanen da eta Enduro Pirinioak Koparako baliagarria ere izanen da aurten

Igandean, 08:00etan hasiko da proba Plaza Zaharrean eta sari banaketa 16:00etan eginen dute. 

 

Trial erakustaldia larunbat arratsaldean

Egun bakarreko proba izanen da aurtengoa, baina bezperan, dortsalen banaketa eginen dute, baita Uxuri Portu eta Xabier Valverde herriko txirrindularien eta Oier Mitxelena beratarraren trial erakustaldia ere, maiatzaren 17an, larunbatean 18:00etan plazan.

2023ko lehen edizioan 105 txirrindularik parte hartu zuten eta iazkoan 159k.

Kirola Bortziriak Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!