Ekhiten energia komunitatearen helburu nagusia energia burujabetza lortzeko bidean aurrera egitea da herritarren parte-hartze aktiboarekin. Aurkezpen honetan azaldu ziren egitasmoaren nondik norakoak, helburuak eta lehen urratsak, eta interesa piztu zuen komunitatearen artean. Lesakako energia komunitate berri honek herritarren eskuetan paratuko du energia berriztagarriaren sorkuntza eta kudeaketa, jasangarritasuna eta autokudeaketa sustatuz. Proiektu honek, energia burujabetzaren eta ingurumenaren aldeko konpromisoa sendotzeaz gain, komunitatearen elkarlana eta parte-hartzea bultzatu nahi ditu.
Kooperatiban izena emateko epea zabalik dago oraindik, apirilaren 16ra arte. Parte hartu nahi dutenek ondorengo galdetegia bete behar dute:
Izena emateko galdetegia
Ekhiten kooperatibaren eratze batzarra maiatzaren 5ean izanen da.