1980 eta 2007 urteen artean jokatu ziren herriko pala txapelketak gogoratzeko Pala Eguna prest dute Igantzin apirilaren 5erako. Horrela, apirileko lehen larunbatean, 11:00etan hasita, pala partidak izanen dira frontoian eguerdira bitarte.
11:00etan, Xalba Lizardi eta Xebe Txoperena, Juankar Unanua eta Karlos Irigoienen kontra ariko dira. Ondotik, Enaitz Telletxea eta Imanol Telletxea, Asier Santestebanen eta Mikel Antxordokiren kontra. Partiden ondotik, argazkia aterako dute parte hartzaile guziekin. Bazkaria 14:15 aldera izanen dute Biltoki elkartean eta bazkal ondotik bildu diren txapelketaren argazkien proiekzioa, XX. mendean frontoiak izan zuen bilakaeraren argazkiekin batera.