Mendi Maratoi Erdiarekin batera, haurrentzako eta gazteentzako lasterketak ere izanen dira apirileko bigarren asteburuan Beran.
Haurrentzako lasterketa larunbatean eginen dute, mendi maratoiaren bezperan. 16:00etan hasita, 6 eta 13 urte bitarteko haurrek hartzen ahalko dute parte lasterketan lau modalitatetan banatuta. Denek lehen 200 metroak hagitz poliki eginen dituzte araututako erritmoan.
- 6 eta 7 urteko haurrek 250 metro osatu beharko dituzte 16:00etan hasita. Kasu honetan sei urtetik beheitikoek ere hartzen ahalko dute parte.
- 8 eta 9 urtekoek 650 metro eginen dituzte 16:2oean.
- 10 eta 11 urtekoek 1.450 metro eginen dituzte 16:45ean hasita.
- Zaharrenek, 12 eta 13 urtekoek 2.050 metro eginen dituzte eta 17:15ean hasiko dira.
Ez da irabazleentzat saririk egonen, orden horrez denentzat opari ttiki bana izanen da. Gainera, bukatzean merienda emanen zaie parte hartzaileei.
Izen ematea debalde da eta egunean berean 15:00etan edo aitzinetik hemen egin daiteke.
Gazte Trail igandean
Igandean, aldiz, Gazte Trail proba jokatuko dute 13 eta 18 urte arteko gazteentzat. Hiru kategoriatan banatuta eginen dute lasterketa: jubenilak, kadeteak eta infantilak.
Proba egiten lehenak 2007 eta 2008 urteetan jaitako jubenilak izanen dira. 10:15ean atera eta 9,5 kilometroko ibilbidea osatu beharko dute parte hartzaileak, 387 metroko desnibelarekin. Irteera kiroldegi parean izanen dute.
2o09 eta 2010 urteetan jaiotako kadeteek 7,9 kilometroko ibilbidea osatuko dute 283 metroko desnibelarekin. Irteera kiroldegi parean eginen dute 10:20an.
2011 eta 2012 urteetan jaiotako infantilek, aldiz, 6 kilometroko ibilbidea osatuko dute. 154 metroko bidea osatuko dute, eta irteera mendi maratoi erdiko 0,9 kilometroko puntuan izanen dute.
Izen emateak zazpi euroko prezioa du eta hemen egiten ahal da.
Gazte Trail lasterketaren aitzinetik mendi maratoi erdia eginen dute 09:30ean hasita. Dortsal denak agortuak dira probarako.