Mugalan lankidetza proiektuak antolatuta Tokiko Enplegu Azoka eginen dute asteartean, apirilaren 1ean, Beran. Mugaz gaindiko proiektua da eta enpresak eta enplegu-eskatzaileak harremanetan jartzeko aukera izanen dute elkarrizketa laburren bidez.
Enplegu Azoka Berako Kultur Etxean eginen dute apirilaren 1ean 14:00etatik 18:00etara eta hainbat enplegu bilatzailek eta enpresek hartuko dute parte.
Mugalan lankidetza-proiektuaren parte dira enplegu-zerbitzuak (France Travail, Servicio Navarro de Empleo - Nafar Lansare), garapen agentziak (Cederna Garalur eta Bidasoa Activa), Euroeskualdea, Berako Udala eta mugaren bi aldeetako enpresa-elkarte eta enpresak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.