Mugalan lankidetza-proiektuaren parte dira enplegu-zerbitzuak (France Travail, Servicio Navarro de Empleo - Nafar Lansare), garapen agentziak (Cederna Garalur eta Bidasoa Activa), Euroeskualdea, Berako Udala eta mugaren bi aldeetako enpresa-elkarte eta enpresak. Enplegu Azoka Berako Kultur Etxean eginen dute apirilaren 1ean 14:00etatik 18:00etara.
Azokan parte hartu nahi duten enplegu bilatzaileek zein enpresek aitzinetik izena eman beharko dute martxoaren 21a baino lehen.
Parte hartzaile gisa izena emateko mezu bat bidali beharko da santes@navarra.es helbidera izena eta telefono zenbakiarekin.Enpresa gisa izena emateko, aldiz, mezua sne.prospeccion.empresas@navarra.es helbidera bidali behar da enpresaren izenarekin eta telefono zenbakiarekin.
Mezua bidali ondotik, antolatzaileek harremanetan jarriko dira azokari buruzko beharrezko xehetasunak emateko.