Aire errea Xabier Erkizia soinu artistak gerraren zaratari buruz sorturiko soinu instalazioa da. Erkiziak Gernikako Bakearen Museoarekin eta EHUko memoria historikoari buruzko ikerketa taldearekin elkarlanean sortu du erakusketa.
Erakusketa Labiaga ikastolako Altzateko egoitzako Areto Nagusian egonen da ikusgai asteburu honetan eta hurrengoan 17:00etatik 20:00etara.
Gainera, heldu den igandean, martxoaren 23an, 19:00etan Xabier Erkiziak bisita gidatua eginen du erakusketara.