Iruñeko Xabier Macias eta Uxue Loizu nagusitu dira Lesakako VI. Mendi lasterketan

Ttipi-Ttapa 2025ko mar. 10a, 11:00

Xabier Macias irabazlea, Beñat Albisuren eta Aimar Otxotekoren artean, helmugan.

268 korrikalarik bukatu dute proba eta gizonezkoetan, Aimar Otxoteko lesakarrak eta Beñat Albisu amaiurtarrak osatu dute podiuma

Lesakako VI. Mendi lasterketa antolatu zuen igandean Beti Gaztek eta Iruñeko Xabier Maciasek lortu zuen garaipena gizonezkoen artean (1.10.38), joan den urtean Aimar Otxoteko lesakarrak egin zuen errekorra baino 25 segundo gehiago. Hain zuzen, Aimar Otxoteko bera izan zen bigarren, bi minutu eta bi segundora (1.12.40) eta Amaiurko Beñat Albisu gazteak osatu zuen podiuma (1.13.44). Emakumezkoetan, Iruñeko Uxue Loizu (1.31.09) nagusitu zen, Arribeko Izar Amundarain izan zen bigarren (1.33.25) eta Azpeitiko Olatz Salaberria hirugarren (1.33.48). Guztira 268 korrikalarik bukatu zuten proba. ikus sailkapen osoa

Xabier Macias garaile Lesakako VI. Mendi lasterketan. Argazkia: Pako Santxez

Gizonezkoen proban bikain ibili ziren eskualdeko korrikalariak eta bigarren izan ziren Otxotekoren eta hirugarren izan zen Albisturen gibeletik, laugarren izan zen Narbarteko Jokin Arretxea (1.13.58), bosgarren Goizuetako Hodei Lujanbio (1.14.41), zortzigarren Lesakako Mattin Gonzalez (1.16.10) eta hamargarren Anizko Unai Iantzi (1.18.17).

Uxue Loizu nagusitu zen emakumeen artean. Argazkia Pako Santxez

Gizonezko beteranoetan, sailkapen orokorrean 22. izan zen Joseba Lasarte beratarra nagusitu zen (1.23.10), Juan Karlos Korta irundarra bigarren (1.27.24) eta Igor Ortiz irundarra hirugarren (1.28.15).

Gizonezko beteranoen podiumeko goitiko koxkan Joseba Lasarte beratarra.

Emakumezko beteranoetan Iruñeko Beatriz Martinez izan zen bizkorrena (1.49.30), Lourdes Mitxelena lesakarra bigarren (2.08.12) eta Idoia Bereau igantziarra hirugarren (2.08.12).

Emakume beteranoen podiumera igo ziren proba elkarrekin egin zuten Lourdes Mitxelena lesakarra eta Idoia Bereau igantziarra. Argazkia: Pako Santxez

Beti Gazteko lehen bazkideak Aimar Otxoteko eta Mayi Arriola izan ziren, 18 urtez beheitiko korrikalarien artean bizkorrena Lur Ocon izan zen eta talde onena Hiru Herri Trail.

Beti Gazteko bazkide onenak izan ziren Aimar Otxoteko eta Mayi Arriola. Argazkia: Pako Santxez

Taldeka Hiru Herri Trail izan zen onena. Argazkia: Pako Santxez

Kirola Bortziriak Lesaka

Erlazionatuak

Sailkapen osoa

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun