Martxoaren 8an Bortzirietako Emakumeen* Mendi Itzulia egin dute, Bortzirietako Berdintasun Zerbitzuak antolatua. 50 bat emakume bildu ziren larunbat goizean Plaza Zaharrean eta Nabaz, Gardelkopagoeta, Agiña, Ikatzulo eta Goiko Iragan barna, berriz ere plazara bueltatu ziren. Bertan salda izan zuten eta datorren urteko mendi martxaren antolaketaren lekukoa Igantzik hartu zuen. Gero, bazkaria egin zuten Otsangon.