Abian da Bortzirietako Euskara Mankomunitateak III. Plan Estrategikoa (2026-2031) osatzeko parte hartze prozesua. Herritarrek eta eragileek prozesu horretan parte hartzeko lehen aukera izanen dute mankomunitateak zabaldu duen galdetegiari erantzunez.
Galdetegian oinarrizko datu batzuk eskatzen dira, norberaren euskararen ezagutzari eta erabilerari buruzko bertze datu batzuk, eta euskarak egun bizi duen egoeraren inguruko iritziak eskatzen dira, baita etorkizunerako erronkak zein diren ere.
Galdetegiari euskaraz nahiz gaztelaniaz erantzuten ahal zaio. Izan ere, oraingo prozesu honetan herritar euskaldunen eta euskaltzaleen ekarpenak biltzeaz gainera, mankomunitateak euskaraz ez dakitenen, ikasten ari direnen edota kanpotik gurera etorri berri direnen iritziak eta proposamenak ere jaso nahi ditu.
Galdetegiari erantzuteko aukera izanen da martxoaren 9ra arte. Hortik ateratako emaitzak diagnostikoa osatzeko eta hurrengo sei urteetarako planaren oinarriak finkatzeko balio izanen dute.